ອາຊຽນ

ອາຊຽນ AEC ແມ່ນຫຍັງ ແລະ ມີເປົ້າໝາຍຫຍັງ? asean-each-country-flag-ທຸງອາຊຽນ AEC ຫຍໍ້ມາຈາກ ASEAN Economic Community ຫຼື ປະຊາຄົມເສດຖະກິດອາຊຽນ ເປັນເປົ້າໝາຍສຳລັບ ການຮ່ວມກຸ່ມທາງເສດຖະກິດ ຂອງສະມາຄົມ ປະຊາຊາດອາຊີຕາເວັນອອກສຽງໃຕ້ ຫຼື ອາຊຽນ (Association of Southeast Asian Nations: ASEAN)ເຊິ່ງປະກອບດ້ວຍສະມາຊິກ 10 ປະເທດໄດ້ແກ່: ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ຟິລິບປິນ, ສິງກະໂປ, ໄທ ແລະ ຫວຽດນາມ ເຊິ່ງອາຊຽນ ມີເປົ້າໝາຍທີ່ຈະໃຫ້ ການຮ່ວມກຸ່ມທາງເສດຖະກິດບັນລຸຜົນໃນທ້າຍປີ 2015. AEC ເປັນໜຶ່ງໃນ 3 ເສົາຫຼັກຂອງ ປະຊາຄົມອາຊຽນ (ASEAN Community) ເຊິ່ງປະກອບດ້ວຍເສົາຫຼັກອີກ 2 ເສົາຄື ປະຊາຄົມສັງຄົມ ແລະ ວັດທະນະທຳອາຊຽນ (ASEAN Socio-Cultural Community: ASCC) ແລະ ປະຊາຄົມການເມືອງ ແລະ ຄວາມໝັ້ນຄົງອາຊຽນ (ASEAN Political-Security Community: APSC) asean-flag-with-logo ເປົ້າໝາຍຂອງ AEC ມີຄື: (1). ສົ່ງເສີມໃຫ້ອາຊຽນເປັນຕະຫຼາດ ແລະ ຖານການຜະລິດດຽວກັນ ມີການເຄື່ອນຍ້າຍສິນຄ້າ, ບໍລິການ, ການລົງທຶນ, ແຮງງານທີ່ມີສີມືຢ່າງເສລີ ແລະ ການເຄື່ອນຍ້າຍເງິນທຶນທີ່ເສລີຫຼາຍຂື້ນກວ່າເກົ່າ. (2). ສົ່ງເສີມຄວາມສາມາດໃນການແຂ່ງຂັນຂອງອາຊຽນ. (3). ຫຼຸດຊ່ອງວ່າງການພັດທະນາລະຫວ່າງປະເທດສະມາຊິກ. (4). ສົ່ງເສີມການຮ່ວມຕົວເຂົ້າກັບປະຊາຄົມໂລກຂອງອາຊຽນ. ຂອບໃຈແຫລ່ງຂ່າວຈາກ: tonamcha